ສາຂາ ການເງິນ-ການທະນາຄານ
ຄວາມໝາຍ ແລະ ຄວາມສຳຄັນ
ການບໍລິຫານ-ຈັດການຊັບພະຍາກອນທາງການເງິນ ຫຼື ຊັບສິນຂອງອົງກອນທີ່ມີຢູ່ຢ່າງຈໍາກັດໃຫ້ມີສະພາບຄ່ອງ, ເກີດດອກອອກຜົນ, ຈະເລີນເຕີບໂຕ, ຂະຫຍາຍກິດຈະການ, ຄຸ້ມຄ່າໃນການລົງທຶນ, ມີກໍາໄລ, ບັນລຸວັດຖຸປະສົງ ແລະ ເປົ້າໝາຍລວມຂອງອົງກອນ.
ເປັນໝາກຫົວໃຈຂອງທຸລະກິດ ໃນການດໍາເນີນງານ ທັງວຽກງານຫຼັກຂອງທຸລະກິດ, ເປັນກຸນແຈຂອງຜູ້ບໍລິຫານ ຫຼື ເຈົ້າຂອງກິດຈະການ ທີ່ຈະສ້າງຜົນປະໂຫຍດຈາກການລົງທຶນ ໃນຮູບແບບຂອງຜົນຕອບແທນ, ກໍາໄລ ຫຼື ເງິນປັນຜົນ ເປັນຕົ້ນ
ໜ້າທີ່
- ພະຍາກອນ ແລະ ວາງແຜນທາງການເງິນ.
- ຕັດສິນໃຈໃນການລົງທຶນ ແລະ ຈັດຫາທຶນ.
- ປະສານງານ ແລະ ຄວບຄຸມທາງການເງິນ.
- ເປັນຕົວແທນອົງກອນໃນການຕິດຕໍ່ກັບຕະຫຼາດເງິນ ແລະ ຕະຫຼາດທຶນ.
- ບໍລິຫານຄວາມສ່ຽງທາງການເງິນ.
ຮຽນແລ້ວໄດ້ຫຍັງ ?
- ຫຼັກການທາງການເງິນ.
- ສາມາດວາງແຜນການເງິນ.
- ສາມາດວິເຄາະງົບປະມານການເງິນ.
- ສາມາດປະເມີນຜົນ, ພະຍາກອນຄວາມສ່ຽງໃນການລົງທຶນທາງການເງິນຂອງອົງກອນ.
ຈົບແລ້ວເຮັດວຽກຫຍັງໄດ້ແດ່ ?
- ສ້າງທຸລະກິດຂອງຕົວເອງ.
- ເປັນຜູ້ບໍລິຫານທາງການເງິນ ແລະ ການບັນຊີ ໃນອົງກອນ.
- ເປັນພະນັກງານການເງິນ ແລະ ການບັນຊີຂອງອົງກອນ.
- ເປັນວິຊາການວິເຄາະຫຼັກຊັບການເງິນໃນຕະຫຼາດຫຼັກຊັບ.
- ເປັນຄູສອນສາຍການເງິນ, ການທະນາຄານ, ການບັນຊີ.
ຜູ້ທີ່ເໝາະສົມກັບສາຂານີ້ !!!
- ມີຄວາມຊື່ສັດ ສຸດຈະລິດ.
- ລະອຽດອ່ອນ ແລະ ມີລະບຽບວິໄນ.
- ຮຽນຮູ້ໄດ້ໄວ ມີຄວາມຢືດຢຸ່ນໃນການເຮັດວຽກ.
- ມີມະນຸດສໍາພັນດີ, ສາມາດເຮັດວຽກເປັນທີມ.
- ມີທັກສະດ້ານການຄິດໄລ່, ຄອມພິວເຕີ, ພາສາອັງກິດ.