ສາມາດສື່ສານ, ແປພາສາປາກເປົ່າ ແປພາສາເອກສານ ແປລັດຖະການ ບໍລິຫານ ຄຸ້ມຄອງຫ້ອງການ ເລຂານຸການ ແລະ ຂຽນເປັນພາສາຈີນໄດ້ຢ່າງຄ່ອງແຄ້ວ.ຄວາມເຂົ້າໃຈວັດທະນະທຳ ເຂົ້າໃຈວິຖີຊີວິດ, ຮີດຄອງປະເພນີ ແລະ ຈິດຕະວິທະຍາຂອງຄົນຈີນ ເຊິ່ງເປັນປະໂຫຍດໃນການສ້າງສາຍສຳພັນ. ທັກສະການວິເຄາະ: ພັດທະນາຂະບວນການຄິດ, ການແກ້ໄຂບັນຫາສະເພາະໜ້າ ແລະ ການປັບຕົວເຂົ້າກັບສະພາບແວດລ້ອມທີ່ຫຼາກຫຼາຍ.

ນາຍແປພາສາ, ແປພາສາໃນຫ້ອງປະຊຸມ, ງານສຳມະນາ, ໂຮງຈັກ ໂຮງງານ ຫຼື ໂຄງການຕ່າງໆ. ພະນັກງານທ່ອງທ່ຽວ(ທ່ຽວລາວ-ຈີນ), ພະນັກງານໂຮງແຮມ ຫຼື ບໍລິສັດການທ່ອງທ່ຽວ. ທຸລະກິດສ່ວນຕົວ, ເຈົ້າຂອງທຸລະກິດນຳເຂົ້າ-ສົ່ງອອກສິນຄ້າ, ຕົວແທນປະສານງານທຸລະກິດຈີນ, ພະນັກງານອົງກອນຈັດຕັ້ງສາກົນ, ເຈົ້າໜ້າທີ່ປະສານງານຕ່າງປະເທດ, ພະນັກງານທະນາຄານ (ທີ່ຮອງຮັບລູກຄ້າຈີນ), ຄູ-ອາຈານສອນພາສາຈີນ.

ຜູ້ທີ່ມີຄວາມມັກ, ຫຼົງໄຫຼ ແລະ ສົນໃຈໃນວັດທະນະທຳ ຫຼື ສື່ບັນເທີງຈີນ ຜູ້ທີ່ມີຄວາມອົດທົນ, ມັກການຈື່ຈຳ (ເພາະຕ້ອງຈຳຕົວອັກສອນຈີນ) ແລະ ມັກຝຶກຝົນການອອກສຽງ ຜູ້ທີ່ມັກພົບປະຜູ້ຄົນ, ເປີດຮັບວັດທະນະທຳໃໝ່ໆ ແລະ ມັກການປັບປຸງຕົນເອງຢ່າງຕໍ່ເນື່ອງ.